Tigo yatoa msaada wa madawati 400 kwa shule za msingi mkoani Morogoro

132
0
Share:

Kampuni ya Tigo Tanzania imetoa msaada wa madawati 400 yenye thamani ya shilingi milioni 60 kwenye shule 10 za msingi katika mkoa wa Morogoro ikiwa ni mchango wa kampuni hiyo katika kuisaidia serikali kukabiliana na upungufu wa madawati katika shule za msingi nchini.

Madawati

Mkurugenzi wa Tigo kanda ya Pwani, Goodluck Charles akiongea na wananchi na wanafunzi waliohudhuria hafla ya kukabidhi msaada wa madawati 400 katika shula za wilaya ya Morogoro vijijini.

Akizungumza katika hafla ya makabidhiano iliyofanyika katika Shule ya Msingi Kibangile iliyopo Kitemu katika kata ya Matambo, Morogoro Kusini, Mkurugenzi wa Tigo wa Kanda ya Pwani Goodluck Charles mchango huo ni sehemu ya utekelzaji dhamira ya kampuni hiyo ya kuunga mkono shughuli mbalimbali za maendeleo nchini.

“Mchango huu ni sehemu ya jitihada mbalimbali zinazofanywa na Tigo katika kusaidia utekelezaji wa miradi yenye tija kubwa kwa jamii. Tunaamini kwamba kupitia msaada huu, Tigo inatoa mchango wake katika kujenga viongozi wa baadaye wa taifa hili na wanataluuma mbalimbali wakiwamo madaktari, wahandisi na wengineo, “alisema Charles.

Madawati

Mwanafunzi wa darasa la sita kutoka Shule ya Msingi Kibangile, Radia Hamis akishukuru kwa msaada wa madawati kwa niaba ya wanafunzi wa shule hiyo kwa Mkurugenzi wa Tigo kanda ya pwani Goodluck Charles katika hafla ya kukabidhi madawati 400 kwa shula 10 za wilaya ya Morogoro vijijini.

Charles alisema mwaka jana Tigo ilikabidhi msaada kama huo wa madawati katika shule za msingi katika mikoa ya Shinyanga, Mbeya na Iringa na kuongeza kwamba kampuni hiyo itaendelea kutoa madawati zaidi sehemu mbalimbali nchini siku za zijazo.

Makabidhiano yalihudhuriwa na Mkuu wa Mkoa wa Morogoro Dr Rajabu Rutengwe ambaye alisema madawati hayo 400 yataboresha mazingira ya kujifunzia kwa watoto katika Mkoa wa Mporogoro na kutoa wito kwa wadahu wengine kuunga mkono zoezi hilo.

Madawati

Mbunge wa jimbo la Morogoro kusini, Prosper Mbena akimshukuru Mkurugenzi wa Tigo kanda ya Pwani, Goodluck Charles baada ya hafla ya kukabidhi msaada wa madawati 400 yaliyotolewa na kampuni ya Tigo Tanzania kwa shule 10 za jimbo la Morogoro kusini.

 “Tunapenda kutoa shukrani zetu za dhati kwa kampuni ya Tigo kwa kuwa mdau muhimu kwetu katika jitihada zinazoendelea za kujaribu kupunguza tatizo la ukosefu wa madawati ya kutosha katika shule za msingi za mkoa wetu wa Morogoro. Ni Dhahiri kwamba msaada huu wa madawati 400 yatawawezesha mamia ya wanafunzi wetu kupata sehemu za kukaa na hivyo kujipatia elimu zao katika mazingira bora Zaidi,” alisema Dr Rutengwe.

madawati

Mkurugenzi wa Tigo kanda ya Pwani, Goodluck Charles akimkabidhi Afisa wa Elimu wilaya ya Morogoro vijijini Donald Pambe msaada wa madawati 400 katika shule 10 za wilaya hiyo hafla iliyofanyika katika Shule ya Msingi Kibangile.

Share:

Leave a reply